Туршилтаар
Шийдвэрийн огноо, дугаар: 2023.02.08-ны өдөр №184/ШШ2023/00661
Шийдвэрийн төлөв: Хүчин төгөлдөр болсон
2023.03.15 Шийдвэрийн тойм-3
Шүүхээс гэрлэлт цуцлахад дундын эд хөрөнгийг асуудлыг шийдвэрлэж, орон сууцыг нэхэмжлэгч Н.О-ын өмчлөлд үлдээсэн боловч хариуцагч Ж.Д нь орон сууцнаас нүүгээгүй тул орон сууцыг чөлөөлүүлэхээр Н.О дахин шүүхэд ханджээ.
Хариуцагч Ж.Д нь “... хүүхдийг 18 насанд хүртэл орон сууцыг зарахгүй бол суллаж өгнө ...” гэж маргасан.
Өмчлөгч өөрийн хөрөнгийг үзэмжээрээ чөлөөтэй эзэмших, ашиглах, захиран зарцуулах, халдлагаас хамгаалах эрхтэй бөгөөд өмчлөгчийн энэхүү туйлын эрхийг болзол заан хязгаарлах боломжгүй гэж шүүх үзэж, орон сууцыг чөлөөлөхийг хариуцагч Ж.Д-д даалгаж шийдвэрлэсэн.
Шийдвэрийг бүрэн эхээр нь үзэх холбоос:
https://shuukh.mn/single_case/125600?daterange=2023-01-01%20-%202023-03-15&id=1&court_cat=1&bb=1
Санамж: Энэ тойм нь бүрэн гүйцэд шүүхийн шийдвэр бус бөгөөд түүнийг орлохгүй, зөвхөн шүүхийн шийдвэрийг олон нийтэд ойлгомжтой байдлаар мэдээлэн хүргэх зорилготой. Мөн зохиомол нэр ашигласан болно.
Тойм бэлтгэсэн: Сонгинохайрхан
дүүргийн Иргэний хэргийн анхан шатны
шүүхийн шүүгч Г.Нямсүрэн