Туршилтаар
Шийдвэрийн огноо: 2022.11.07-ны өдөр. №184/ШЗ2022/16982
Шийдвэрийн төлөв: Хүчин төгөлдөр
2022.11.28 Процесс Хураангуй-4
Нэхэмжлэгч Наран нь Нийслэлийн шүүхийн шийдвэр гүйцэтгэх газарт холбогдуулан албадан дуудлага худалдаа явуулахдаа хууль зөрчсөн гэж үзэж, уг ажиллагааг хүчингүй болгуулах нэхэмжлэлийг шүүхэд гаргасан байна.
Хэрэг хянан шийдвэрлэх ажиллагааны явцад шийдвэр гүйцэтгэх ажиллагааг түдгэлзүүлэх хүсэлтийг нэхэмжлэгч шүүхэд гаргажээ.
Шүүх, тухайн шийдвэр гүйцэтгэх ажиллагаатай холбоотой гомдлыг хянаж байгаа бол уг ажиллагааг цаашаа үргэлжлүүлэн явуулах боломжгүй, мөн шийдвэр гүйцэтгэх ажиллагааг түдгэлзүүлж болохыг хуулиар шүүхэд зөвшөөрсөн гэж үзэж, дуудлага худалдаатай холбоотой шийдвэр гүйцэтгэх ажиллагааг шүүхийн шийдвэр гарч, хуулийн хүчин төгөлдөр болтол түдгэлзүүлж шийдвэрлэсэн байна.
Санамж:
Энэ хураангуй нь бүрэн гүйцэд шүүхийн шийдвэр биш бөгөөд түүнийг орлохгүй, зөвхөн шүүхийн шийдвэрийг олон нийтэд ойлгомжтой байдлаар мэдээлэн хүргэх зорилготой болно. Мөн зохиомол нэр ашигласан болно.
Хураангуй бэлтгэсэн: Сонгинохайрхан
дүүргийн Иргэний хэргийн анхан шатны
шүүхийн шүүгч Х.Оюунжаргал
