Туршилтаар
Шийдвэрийн огноо: 2019.09.17-ны өдөр. №184/ШЗ2019/10207
Шийдвэрийн төлөв: Хүчин төгөлдөр
2022.12.28 Процесс Хураангуй - 6
Иргэн Д болон Г нар 2019 оны 07 сарын 05-ны өдөр “Тооцоо нийлж, төлбөр барагдуулах гэрээ”-г байгуулж, уг гэрээгээр Г нь Д-д 5.250.000 төгрөгийн төлбөр төлөх, төлөхгүй бол үл маргах журмаар төлбөрийг Г-с гаргуулахаар харилцан тохиролцож, уг тохиролцоогоо нотариатаар гэрчлүүлжээ.
Талууд төлбөрийн талаар “үл маргах”-аар тохиролцож нотариатаар гэрчлүүлсэн бол нотариат төлбөр авагчийн хүсэлтээр “Мэдэгдэх хуудас” үйлдэж төлбөр төлөгчид хүргүүлэхээр хуульд заасан байна.
Төлбөр төлөгч Г нь нотариатын мэдэгдэх хуудсыг хүлээн авсан боловч үл маргах журмаар тохиролцсон 5,250,000 төгрөгийг төлөөгүй тул шүүх төлбөр авагч Д-ийн хүсэлтийг үндэслэн “Нотариатын мэдэгдэх хуудас”-ыг шүүгчийн захирамжаар баталгаажуулж, албадан гүйцэтгүүлэхээр Нийслэлийн Шүүхийн шийдвэр гүйцэтгэх газарт хүргүүлсэн байна.
Санамж:
Энэ хураангуй нь бүрэн гүйцэд шүүхийн шийдвэр биш бөгөөд түүнийг орлохгүй, зөвхөн шүүхийн шийдвэрийг олон нийтэд ойлгомжтой байдлаар мэдээлэн хүргэх зорилготой болно. Мөн зохиомол нэр ашигласан болно.
Хураангуй бэлтгэсэн: Сонгинохайрхан
дүүргийн Иргэний хэргийн анхан шатны
шүүхийн шүүгч Д.Уранзул
