Сонгинохайрхан дүүргийн Иргэний хэргийн анхан шатны шүүхийн Эвлэрүүлэн зуучлагч  Н.Оюунчимэг гавьяаныхаа амралтад гарч буйтай холбогдуулан хүндэтгэл үзүүлэх ёслолын ажиллагаа 2023 оны 03 дугаар сарын 01-ний өдөр боллоо.

     Энэ үеэр Сонгинохайрхан дүүргийн Иргэний хэргийн анхан шатны шүүхийн ерөнхий шүүгч Б.Хишигбаатар хийсэн бүтээсэн зүйлтэй, хэлэх үгтэй, түүндээ тохирсон гавьяатай ахмад ажилтандаа хүндлэл үзүүлж байгааг онцлоод олондоо хүлээн зөвшөөрөгдсөн хүн гэж тэмдэглэсэн юм.

      Н.Оюунчимэг хамт олондоо хандаж үг хэлэхдээ залуучуудад хандан байгууллагынхаа нэр хүндийг хайрлан хамгаалж явахыг захиад нийт хамт олондоо эрүүл энх, ажлын амжилт, сайн сайхан бүхнийг хүсэн ерөөсөн юм.

     Мөн Сонгинохайрхан дүүргийн Иргэний хэргийн анхан шатны шүүхийн Тамгын газрын дарга Б.Батцэцэг энэ олон жилийн турш өөрийн ажлаа нэр хүндтэй сайн хашиж ирсэн хэмээгээд урт насалж удаан жаргахыг хүслээ. 

Тамгын газар